Кисә Башҡортостан Республикаһының Милли музейында Башҡортостан мәҙәниәте тураһында квиз-уйын үтте. Ҡатнашыусылар мәҙәниәтебеҙҙе белеү кимәлен тикшереп ҡарай алды. Уйынды билдәле алып барыусы Венер Фәйзуллин алып барҙы. Был ярышта бөтәһе 13 команда көс һынашты. "Башҡортостан" гәзите коллективы ла һорауҙарға төплө генә яуап ҡайтарҙы.

Сараны ойоштороусылар булып Башҡорт телен һаҡлау һәм үҫтереү фонды, Башҡортостандың йәш яҡташтар ассоциацияһы һәм республиканың "Тыуған яҡты өйрәнеүселәр йәмғиәте" сығыш яһаны.
Квиз-уйын Башҡортостан Республикаһы Башлығы гранты иҫәбенә тормошҡа ашырыла.